गुठीचौर, जुम्ला । जुम्लाको गुठीचौर गाउँपालिका वडा नं. ४ मा पूर्वाधार विकासको नयाँ लहर सुरु भएको छ। वडा नं. ४ को छिरी टाउकादेखि बिगारेसम्म निर्माण हुन लागेको सडकको आज एक विशेष कार्यक्रमका बीच वडाध्यक्ष टिकादत्त न्यौपानेले शिलान्यास गर्नुभएको छ।
गुठीचौर गाउँपालिका ५ को सुचना
संघीय सरकारको विशेष अनुदान अन्तर्गत विनियोजन भएको बजेटबाट यो सडक निर्माण हुन लागेको हो।
पूर्वाधार विकास कार्यालयद्वारा कूल टेन्डर आह्वान ३ करोड रुपैयाँ भएको र पूर्ण पुष्पा जेभी कन्स्ट्रक्सन, चन्दननाथले १ करोड ८१ लाख ५७ हजार रुपैयाँ ठेक्का सम्झौता गरेको छ
आरसीसी सडक निर्माण हुने भएको छ।
शिलान्यास कार्यक्रममा बोल्दै वडाध्यक्ष न्यौपानेले वर्षौंदेखि कच्ची सडकका कारण हिउँदमा धुलो र बर्खामा हिलो झेल्दै आएका स्थानीय बासिन्दाले अब राहत पाउने बताउनुभयो। “अहिलेको कच्ची बाटोले यात्रा निकै कष्टकर बनाएको छ। यो सडक सम्पन्न भएपछि छिरी टाउकादेखि बिगारेसम्मको यात्रा सुरक्षित र सहज हुनेछ,” उहाँले भन्नुभयो।
गाउँपालिकाका प्राविधिक मिनबहादुर भण्डारीका अनुसार यस योजना अन्तर्गत बिगारेसम्म ६०० मिटर बढी आरसीसी सडक निर्माण हुनेछ। निर्माण कार्यलाई तीव्रता दिँदै आगामी असार मसान्तभित्रै सम्पन्न गर्ने लक्ष्य राखिएको भण्डारीले जानकारी दिनुभयो।
सडक सञ्जाल विस्तार गर्ने क्रममा वडाध्यक्ष न्यौपानेले अन्य उपलब्धिबारे पनि जानकारी गराउनुभयो। सहिद गेटदेखि सत्यवादी माध्यमिक विद्यालयसम्मको सडकलाई पनि आरसीसी बनाउन प्रदेश र संघीय सरकारसँग १ करोड ६८ लाख रुपैयाँ बराबरको योजनाका लागि पहल भइरहेको उहाँको भनाइ छ। राम प्रकाश बिक
सूचना • मनोरञ्जन • खबरदारी — हाम्रो प्रतिबद्धता
तपाईंको सूचना, हाम्रो समाचार
भ्रष्टाचार/अनियमितता सम्बन्धी सामग्री
भ्रष्टाचार, अनियमितता सम्बन्धी र अन्य कुनै भिडियो तपाईंसँग छ भने हामीलाई उपलब्ध गराउनुहोस्। एउटा जिम्मेवार नागरिकको दायित्व पूरा गर्नुहोस्। ‘स्रोत गोप्य राखिने छ।’
लेख / रचना / विचार / स्तम्भ पठाउनुहोस्
तपाईंसँग कुनै लेख, रचना, विचार तथा स्तम्भ छन् भने हामीलाई karnalistate@gmail.com मा पठाउन सक्नुहुनेछ। तपाईंका सामग्रीलाई हामी प्राथमिकताका साथ प्रशारण तथा प्रकाशित गर्नेछौं।
