जुम्ला । पूर्वयुवराज्ञी हिमानी शाह छोरा हृदयेन्द्र शाहसहित जुम्ला पुग्नुभएको छ । हिमानी ट्रष्टले जुम्लाको गुठिचौर गाउँपालिका वडा नम्बर १ मनिसाङ्घमा निर्माण गर्न लागेको बर्थिङ सेन्टरको शिलान्यासका लागि पूर्वयुवराज्ञी शाह जुम्ला पुग्नुभएको हो ।
जुम्ला विमानस्थलमा उहाँलाई स्थानीयबासीले स्वागत गरेका छन् । हिमानी ट्रष्टले सामाजिक सेवाअन्तर्गत सुत्केरी सेवा केन्द्र बनाउन लागेको हो । उक्त क्षेत्रमा मातृ तथा नवजात स्वास्थ्य सेवा सुदृढ बनाउने दिशातर्फ सार्थक र भावनात्मक योगदानका रुपमा लिइएको स्थानीयबासीको भनाई छ ।
